Manchester United 3 vs Sunderland 0 – We Dey Top Premier League

Una sabi say Sunderland wakka come Old Trafford Today, Manchester United knack dem apako 3-0.

Embedded image permalink

Memphis and Martial

Manchester United no play ball at all first half, but luck con shine small as Daley Blind play better cross wey find Mata. Mata con do assist for Memphis wey score goal. Second half make sense sha, we play ball die, Rooney and Mata score.

As Manchester United win match, we don dey top league, onto say Tottenham knack Man City apako today (4-1).  Some Players don sharply yarn ontop the matter, as e dey hot.

Post Match Tori:

Louis Van Gaal: “E sweet me die when we knack dem d 3rd goal onto say We ball dem die na. We score goals wey make sense, E sweet my belle. Result wey make brain, Na we dey Top League now.”

Antonio Valencia: “E make sense as we join body play better ball today. Now na to dey reason Wednesday match.”

Van Gaal talk say e no consign am ontop who score for #MUFC: “If we knack Wolfsburg apako and na De Gea wey score, e go sweet me.”

Embedded image permalink

Manchester United

Blind Daley: “Na important match wey we win so, We gots full ground Gidigba till Season end

Phil Jones: “Result wey dey important, Another 3 points wey make brain! #MUFC

marcosrojo: “E sweet me for una matter, Una sabi play ball ahan!! #RojonaRed #MUFC #PremierLeague

David De Gea: “We dey add! We just dey collect 3 points dey go, we full ground die 2day. I thank una 4 support @ManUtd

Embedded image permalink

David de Gea

juan mata: “Today na Happy day o, Make we dey jolly @ManUtd

Wayne Rooney ontop say we dey Top League: “Na wetin we dey play for na. We gots work hard onto say we go like remain for there.”

Match Tori:

AS E DEY HOT: De Gea; Valencia, Smalling, Blind, Darmian; Schneiderlin, Carrick; Mata, Rooney, Memphis; Martial.

Embedded image permalink

Dose wey dey warm Bench: Romero, Jones, Herrera, Schweinsteiger, Pereira, Young, Fellaini.

Darmian dey play Left-Back, Antonio Valencia dey play Right-back

First Half:

5MINS: E remain small #MUFC for score, Darmian crosss better ball, Martial head am, but e no do am well. chaii

10 mins: E remain small John O’shea for us. De Gea catch am.

14 Mins: See better shot wey Mata play, e for be goal, Person block am enter corner kick.

Rooney use skill commot person, e run. Cross, Person block am, ball waka go meet Memphis. E con shoot, Keeper punch am enta corner

GOOOOOOOOOOOOOOOOOOOOOAAAAAAAL MEMPHIS!!!!!!!!!!!!! #MUFC

Embedded image permalink

Darmian, Rooney, Memphis, Carrick

Daley Blind collect ball, e con sight Mata, con cross mad ball wey Mata hit one time.. Memphis con runnn hit am enter net. Goal

Half-Time

2nd Half

GOOOOOOOOOOOOAAAAAAAAAAL ROONEY!!!!!!!!!!!!

Mata pass give Martial, e con carry ball run, Defenders no fit mark am, e con cross give Rooney wey use hin whole body score am.

53mins: E remain small dem for score us, De Gea shine eye, chook leg. Number One!!!

61 mins: Dey wan score, their player carry ball run enter our defence, e con shoot. De Gea use leg commot am…

Baba Schwein don enter, Carrick don wakka enter bench.

Embedded image permalink

Daley Blind vs Sunderland

72 mins: Daley Blind don wakka commot, Phil Jones, don enter.

Young don wakka enter, Memphis don commot.

78 mins: Rooney n Young do better One two… Rooney con use vision sight Mata, Mata SHOOTTTT, Keeper punch am enter corner.

87mins: Ashley Young send person go message, e con cross, Rooney wan use skill score. Defender read am.

GOOOOOOOOOAAAAAAAAL JUAN MATA!!!!

Ashley Young carry ball, worry person sote person frustrate,e con cross ball wey reach Mata. Mata use vess play shot. Goal.

Full-Time

One thought on “Manchester United 3 vs Sunderland 0 – We Dey Top Premier League

  1. Pingback: 5 Things wey we Observe as Manchester United knack Sunderland apako | MAN UNITED IN PIDGIN

Wetin you think?

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s