Champions League Preview: Manchester United vs PSV

Embedded image permalink

Manchester United vs PSV 

How una go fit follow the match: The match go start on by 8:45pm. Make una no worry, we go yarn the whole tori for our Timeline: @manutdinpidgin

Scene-setter: Manchester United dey siddon for Top of Group B. If dem fit knack PSV for Wednesday, den dem don wakka enter next round for Champions League. Memphis wey don find form, bin score the last time we play PSV, E fit start match self onto say e ball die for Watford match.

Form guide: United dey wakka enter this match with confidence, dem don play 641 minutes of football, and na only one goal dem don concede. After Red Devils bin draw three matches straight for October, dey don find form, and Baba Philosophy don hail the fighting spirit wey dem show against Watford. PSV, who dey siddon for second for Group B dey target their first away win for the competition onto say CSKA Moscow and Wolfsburg knack dem for Away match.

Latest team news: Van Gaal get hope say strikers James WilsonWayne Rooney, Maroune Fellaini and Anthony Martial fit play, after dem miss weekend match against Watford. Ander Herrera and Phil Jones  wound for Vicarage Road so dem no go play. Luke Shaw, wey dey recover from the wound e get, the first time we play PSV, and Antonio Valencia no go play. For PSV, Hector Moreno, wey wound Luke Shaw, fit no play, Maxime Lestienne and Simon Poulsen, dem two fit no play self.

View from the dressing room: “Na true say dem knack us for our first match for here but since den, we don dey wakka commot with points, and now e remain small make we wakka enter next round. We know say the match go tough but we gots knack dem apako and wakka commot with three points.” – David De Gea

Danger man: Luuk de Jong na the person wey don score pass for them, and people dey fear am this season self for Dutch Eredivisie.  In the last 12 matches wey e don play, e don tear net 11 times…Last Weekend, e remain small Willem II for knack PSV, na him tear net, wey make PSV wakka commot with one point. However, E never get himself for Champions League, na only one goal e don score,  for match wey PSV knack Wolfsburg.

Referee: The person wey go ref match na Pavel Kralovec, him na from Czech Republic. Na the second United match wey e don ref so, the first time wey e ref United na when dem draw 1-1 for Shakhtar Donetsk for their 2013/14 campaign.

Wetin you think?

Fill in your details below or click an icon to log in: Logo

You are commenting using your account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s