Premier League: Manchester United 0 – West Ham 0

As una sabi say West Ham wakka enter Old Trafford today, Everybody bin keep their fingers crossed onto say we no sabi the line up wey Van Gaal go use onto say Rooney don wound.

Embedded image permalink

Juan Mata vs West Ham

Today self na Anthony Martial birthday so people con dey wish am well.. Andrew Cole self tweet something ontop the matter.

Andrew Cole: “E dey hungry me to watch match today…i wan see as birthday boy go tear net @AnthonyMartial”

As E dey Hot, na hin Baba Philosophy commot line-up:

#MUFC Team vs West Ham: De Gea, McNair, Smalling, Blind, Darmian, Schneiderlin, Schweinsteiger, Mata, Fellaini, Lingard, Martial

Dose wey dey warm bench for #mufc: Romero, Borthwick-Jackson, Varela, Carrick, Pereira, Young, Memphis.

West Ham: Adrian, Tomkins, Reid, Ogbonna, Cresswell, Song, Noble (c), Kouyate, Moses, Zarate, Carroll #WHUFC

The people wey wakka enter back Manchester United Line-up na Maroune Fellaini and Jesse Lingard. Fellaini bin impress for United U-21 match, and Lingard just come back from wound hin get, wey make am miss last match against Leicester.

First Half 

1 Mins: Dem throw ball for Baba Fella, E chest am, con pass am give West Ham player.

3 Mins: Dem cross ball for Fellaini, E chest am enter throwing. Mumu

4 Mins: West Ham wan attack us, McNair russh kick ball enter throwing.

Baba Fella wan turn iniesta…. Bros pass ball abeg Shioooooooooo

9mins: McNair carry ball, e cross am, Baba Fella head am well, Defender block am enter over. Ref say no be corner, Fellaini dey para.

11mins: E remain small Moses for score, E runnn con shoot, De Gea con position well, use leg punsh am commot.

13 Mins: Schneiderlin stretch kick person collect ball, ball fall for Martial, e wan dribble person, e no fit… Chance don waste.

18 Mins: Martial no touch person, d person fall.. Ref blow foul, Martial con dey look d person like woman

29 Mins: After Fellaini send two people go message, e con go use hin boot match person. Ref say na foul against am.

32 Mins: Carroll wan use sense for Schneiderlin, but the sense wey e think say e get, our player, get sense pass am

43 Mins: Schneiderlin don wound, Carrick don enter match. E wakka commot.

HT: Manchester United 0 West Ham 0

Second Half

59mins: Martial carry ball runnnnn, pass give lingard, e pass give am back, e run, con pass give Fellaini, e shoot, Keeper punsh am.

62mins: Martial carry ball run, Song set leg, e fall. Ref say na foul, Song con dey beg ref say make e no give am card

66 Mins: See better one touch wey #MUFC play, Martial con pass give Mata. E shoot am. Chaii no be goal.

72 Mins: Martial dey find space, e no see am, person con block am.. Last last ball fall for Baba Schwein, E shoot.. Over the bar.

80mins: Memphis carry ball, e send people go message. E pass, dey give am back. E con cross, Martial shoot. No be goal.

FT: Manchester United 0 West Ham 0

Wetin you think?

Fill in your details below or click an icon to log in: Logo

You are commenting using your account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s