Preview: Sunderland v Man United: Smalling go chook Defoe inside pocket

Sunderland v Manchester United 

Manchester United dey eye Top 4 finish but first, dem gots knack Sunderland else Wahala dey o.

How una fit follow the match: The match go happen on Saturday by 1:45 pm. We go give una live commentaries when match start,via our Twitter handle @manutdinpidgin.

How everything take be: Louis van Gaal’s men go wan respond on the way Chelsea take steal 3 points from them, for dying minute from their last match. United dey six points behind Top four and Baba Philosophy go dey pray make we close the gap this weekend if we knack Sunderland. Sunderland dey 19th for Table, but the last match wey e remain small Liverpool for knack dem, (Liverpool bin dey lead 2-0), the match con end 2-2. E fit be say dem wan fight so dem no go relegate, e mean say the match fit tough for Man United.

Form: United don lose only once for the last nine matches wey dem don play… and the last 13 times wey Red Devils wakka enter Stadium of Light, dem neva lose. Last Year, dey bin draw 1-1 but before then, na so so knack United dey knack dem. Wayne Rooney self dey form now, so e fit ginger attack….

Latest team news: Will Keane don follow Senior Team travel go Sunderland house. Adnan Januzaj, Phil Jones and Guillermo Varela bin wound for the United U21s match wey dem knack Norwich 7-0.  Ashley Young, Bastian SchweinsteigerMarcos Rojo and Antonio Valencia no go play self, dem never full ground, while Luke Shaw still dey out.

This na wetin person word from our dressing room: Michael Carrick talk say hin side dey ready to fight after that draw against Chelsea for Stamford Bridge, say e pain dem. “We get plenty things to play for this month and we get plenty points to play for self. We never give up o. We gots fight hard, dey push hard, and we gots play like wey don play for the last few weeks and observe where e go carry us reach.”

This na wetin wey person from Sunderland yarn: Sunderland goalkeeper Vito Mannone believe say hin side fit knack Manchester United on Saturday, say the match dey very important. “The last three weeks wey just wakka past, no matter who we dey play, na three points we dey find, wen we enter pitch on Saturday, na the same thing.”  

Danger men: The person wey we gots mark well na Jermain Defoe….Wahib Khazri self don dey impress for Sunderland recently, na him wey pass that mad ball for Defoe, wey e take use tear Liverpool net for Anfield draw.

The Person wey go ref match na: Andre Marriner.


Wetin you think?

Fill in your details below or click an icon to log in: Logo

You are commenting using your account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )


Connecting to %s