How everything take happen: Shrewbury 0-3 Manchester United


Na Chris Smalling score the first goal for Manchester United

Manchester United bin knack Shrewbury Town 3-0 last night for FA Cup fifth round last night. Now we don wakka enter next round (Quarter-final), and the team wey we go play na West Ham. The match bin make serious sense o, a lot of people bin play wella but the ones wey play pass na Memphis Depay and Juan Mata. E remain small Memphis for score, na Martial block hin goal, and e remain small e for get 3 assists self but the night no just wan happen for am.

We wan yarn una how everything take happen:

As match start, for first half, Manchester United bin control possession (we get 80%) but we no too worry their defence. The first two attempts wey we get na Memphis shot. But na yama yama shot wey him dey shoot. The third shot wey we get na Memphis self, this one better but Keeper punsh am commot as the ball bin dey fly enter net. Then e no tey wey Memphis see freekick, E wakka go play am, The ball bin dey fly enter net, but Anthony Martial bin dey in d way, so e head am commot for goal kick. That chance pain me gan onto say the ball bin dey fly enter net. Then The Red Devils con see another chance as Memphis carry ball, E pass give Martial. Martial Shoot better Shot, Keeper use leg punsh am, d ball still dey fly enter net. Defender jump head am commot.

For the 38 minute, Borthwick-Jackson dress ball, e con cross give Schneiderlin, wey head am give Smalling wey dey stand inside their penarity box, E shoot am.. Ball fly enter net. GOAL 1-0. 

Before First Half finish, Manchester United bin score again. Juan Mata go play Freekick, E use left leg play am… As e Shoot am, Keeper just stand, dey look like mumu. Ball fly enter net, Goal 2-0

HT: Shrewbury 0-2 Manchester United

As second half start, Louis van Gaal bin replace Borthwick-Jackson (e wound) with Riley. E remain small United for score for the 53rd minute, Mata pass give Memphis, E dress ball, dress am again, E con SHOOOOT!!, Person block ball, na corner.

But e no tey wey Jesse Lingard score, Na counter, Herrera carry ball run, e pass give Mata, e pass give am back, E look up, cross am enter box, Lingard volley d ball. Goal 3-0.


Lingard bin score the third goal for United 

Andreas Pereira bin replace Juan Mata.

Will Keane self bin replace Anthony Martial for the match, but him self no play too long onto say e injure 5 minutes after Van Gaal put am. For the 74th minute,  Memphis pass one mad back-heel give Will Keane inside box, E runn SHOOT BALL with Vess, Ball fly go knack side bar. Na the Shot wey Will Keane play wey wound am. E no balance well after e play am… E don wound hin groin.

FT: Shrewbury 0-3 Manchester United


Louis van Gaal dey form bad guy as United don enter quarter finals of FA Cup 



Wetin you think?

Fill in your details below or click an icon to log in: Logo

You are commenting using your account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s