How everything take happen: Manchester United VS Arsenal

Marcus Rashford destroy Arsenal 

Una sabi say Manchester United bin follow Arsenal player for Old Trafford. Our Small Pikin Striker ‘Rashford’ self bin start bin first Premier League match for The Red Devils onto say Martial never come back from injury. De Gea self bin replace Romero for post and Marcos Rojo bin replace Riley for left back.

As match start, before all man know wetin happen, The small pikin striker wey score two goals for midweek (Marcus Rashford) fire us to 2-0 inside first half before our former boy Welbeck come score one back for 40mins (2-1).

As e suppose be early inside the match everybody won quick impress, but the first real chance of the match fall to nacho monreal for 6mins but the defender play the ba blast our keeeper. We get one penalty wey referee nor gree blow for us na Rashford still carry ball waka pass two defenders before Gabriel bring am down but replay show say na outside, Memphis come play the freekick force Petr Cech to make save. As the game near 30mins na so United play ball well find verela for the right wing e come cross ball enter 18 yard box wey dem fail to clear the ball come fall for Rashford na so e fire am enter net. Two minutes never even reach arsenal chop another one as verala play ball to Jesse lingard, lingard come pin point Rashford again the boy nod the ball pass Cech na so the stadium scatter.  Just five minutes to end of first half ozil cross one freekick give welbeck wey e nod easily enter the back of the net, before the referee come blow say first half don reach.

Baba Philosophy dey vess for Ref say e no give Ramsey red card 

As the second half start arsenal been de play better ball, na so Sanchez try carry ball enter our area before rojo stop.  E never tey rojo and welbeck com collide rojo com wound before our ciach bring in another small pikin Timothy fosu-mensah for e first match, Arsenal  com still bring in Giroud.

But na we still de carry pressure face dem na so Rashford come square play one better ball for Herrera wey Herrera play blast koscielny enter goal the match enter 3-1. Welbeck com see space for our area play ball wey our keeper punch before ozil see the ball com play rebound enter our post, the match com enter 3-2.

The match com de turf na so players from the two side start de collect yellow card plenty but for inside the wahala Giroud nod one fine ball wey fly pass our goal.

Our players stand kmakpe to make sure say no goal enter again our keeper block many ball for us inside the ending of the match, before referee announce 5mins more, our coach still use that time bring another small pikin enter this one na james wier be e name.
Our defenders com make sure say we carry the three points comot

Advertisements

One thought on “How everything take happen: Manchester United VS Arsenal

  1. Na so e happen… Me like dis ur website… U sabi work… I go help u promote am
    Our children play well. I nor believe my eye

Wetin you think?

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s