Players report card (ManUtd vs Watford)

image

After our sweet weekend demolition of Arsenal, LVG carry him belief of the match take put our new star boy Rashford for striker. He also introduce Fosu-Mensah for the starting lineup and Rothwell for bench.

He show say he get faith for our youth players and say sometimes the thing wey you dey find go Sokoto go fit dey your ṣòkòtò.

This win now done make am 3 straight and we done dey near the top of the table. Although we no really play well for the first half and we go even thank God say Watford no take all their chances cos dem for done knack us tey-tey for the first half.

Anyway na the players report card be this, make una enjoy am

DeGea : he really save us many times for the match. Watford get some clear chances wey be say na him stand gidigba  no let them score. Especially that misplaced back-ups wey Blind do. I go give am 7 for the game.

Mensah : Ighalo and Deeney worry am well but the boy stand him ground show say he be better player. I go give am 6

Varela : he continue him fine form and make sure say he no allow any how yamayama for him wing. He also make many moves to go forward. I go give am 7

Blind : I no know wetin do am for that game but many times he do many wrong passes and he just dey like person wey lost wallet for Oshodi. I go give am 5

  

Rojo: he knack ball and he hold him side well for that wing. I give am 6

Schneiderlin : average performance, he no really put enough challenge for the game as I expect. I go give am 5.

Herera : faulty passes plenty and he almost lost finish for the match. He later pick small for second half but no from 1st half match dey start.  I give am 5

Mata: I curse am tire for first half cos I no understand wetin he dey play. He hold ball too much, no gree release pass. He pick for second half and him ogbonge free kick na why we dey Jolly. I give am 7.5

Memphis : he don improve small. Him dribbles and runs don dey enter but the problem na him shot.  He dey too go up like say he Wan kill bird. I give am 5

Martial : he ginger for the beginning of the game come die off for the second half. I believe say he never sabi link up play with Rashford. If two of dem play more games we go enjoy am. I give am 6

Rashford : better pikin. He no too show for first half but as second half reach na so he begin disturb Watford defenders. He no score goal but he take their eye see small. I give am 6

Substitute

Darmian: he enter for Rojo and him first touch dey one kind wey dem almost score us. But after that one he just compose himself and ginger the game. I give am 6

Lingard : no chance to dab. He try small sha as he help bring small speed to the game.  I give am 4.

McNair :time no dey to rate am cos na almost extra time he enter but he no spoil match sha.

Na the players report card be that and now we fit dey look forward to our next game. Make we remember say #UNITEDWESTAND.

Advertisements

Wetin you think?

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s