How everything take happen: Anthony Martial save us again. Manutd 1westham 1

Na Anthony Martial save our yansh

Anthony martial score late goal wey mean say our game with West Ham get replay.
As manutd make changes for their line up carrick start and lingard enter for memphis depay. For the first half of the match no better Chance for the two team to score, but for inside two minutes Winston reid don foul martial collect yellow card. Emmanuel emenike get chance to score as Andy Carroll play am in and e come shot the ball pass our keeper. Then for 18minutes for the match cresswell run pass varela come cross ball give emenike again but e header this time b like back pass na so the ball come rest jeje for David De Gea hand. For the first half West Ham hear am for the left wing with Martial wey de run speed there but manutd fail to Register shot on target for the full first half again this season our attacking nor de make sense.

Juan Mata, Pereira Fosu-Mensah and Borthwick-Jackson bin dey reserve bench

As the second half start na so so penalty wey ref nor gree blow first happen. The first one na when angelo ogbonna use hand touch ball ref nor gree blow then later Winston reid come do the same thing the ref nor still gree blow. Before later rojo dodge card as e foul dimtri payet but the ref nor blow penalty and he still nor give payet card for diving when for make payet comot the match as e for b second yellow, then later again for inside 68mins referee come blow freekick for payet as daley blind been foul na so payet play one curling ball wey won almost stretch De Gea hand finish score, this time the match come be 1-0 to the visitors. Six minutes after west ham Na so jesse lingard and Herrera combine play better football come Square for martial for far post make e score the match come de level for 1-1. But the ginger for the match for us na when dem comot fellani bring in schweinsteiger. Schweinsteiger enter the match de spread pass when make us de attack well. Late for the match carrick get the closet chance to score but e ball nor enter, before for the 3mins wey dem add West Ham get plenty corner but nor one gree enter. The match end 1-1 meaning say we get replay with West Ham for Upton park.


Wetin you think?

Fill in your details below or click an icon to log in: Logo

You are commenting using your account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )


Connecting to %s