ManUtd vs West ham (players report card)


Ander Herrera bin follow anybody smile for Today match. E do assist for Martial goal self. 

The FA cup don hot as many of the big teams don commot. Everton take Chelsea eye see pepper yesterday and Watford self no sorry for Arsenal today.

We face West Ham and we self know say their present form bad well. This na match wey we need to win so we go fit go Wembley try see if we fit win one trophy this season. But as we don sabi say LVG can like to do anyhow, he carry Fellaini put for game na the first thing wey all fans shout for be that.

Anyway, we thank God say we see goal score to take drag the match go replay for their house. Na the players report card be this.

DeGea : he make many saves for this game. The free kick pass him power, nothing wey he for fit do. I give am 6 for this game

Smalling : he manage hold Emenike well for the game, he do one small mistake wrong pass but he quickly cover himself. I give am 6

Blind : na him cause the free kick, even though as I see am e be like say Payet sell lie give referee. Him balls go front good self, I go give am 5

Varela : gé play better ball, he be like say he get small injury na why dem change am put Darmian. He no allow any rubbish for him wing and even make runs go attack. I give am 6

Rojo : I surprise as e carry the game for head after that free kick, he do so Tey he reach West ham post even dribble dey do pass. He combine well with Schweinsteiger to create some chances. The pass wey Memphis give am he throway am. I give am 6

Fellaini : he give elbow, he collect card. I give am 5

Carrick : he slow like fuel queue, he no ginger at all. To turn release pass na work. He even do one wrong pass wey dem for use score us. I give am 5

Herera : he first dey follow play rubbish like broda Carrick but later he adjust himself. He try some good shots but West ham defenders no gree. I give am 6

Lingard : he run and gallop well like antelope, na rubbish plenty pass for wetin he play. All he sabi na to pass ball give person to run pull out when he himself fit carry the ball enter box try shot. I give am 5

Martial : na him save our yansh, him self don follow lose some balls wey he suppose just pass. He go Wan dribble but at least he try well deliver for the game. I give am 6

Rashford : he no too make impact for this game like those first two games. He try small but he no reach that level.  I give am 5


Darmian: He enter for Varela, he no too do plenty work. I give am 5

Schweinsteiger : Bàbà na him ginger for the goal. As he enter he just begin dey press forward till the goal come.  I give am 6

Memphis: he get chance to score/shoot he dey dribble dey dance. At least we thank God say he no too spoil game today. I give am 5.

For this match, he show say na LVG Wan use him hand pour sand for we garri with the rubbish formation wey he choose.  The replay leg now go happen make we see wetin he go do. Until then, make we remember say #UNITEDWESTAND


Wetin you think?

Fill in your details below or click an icon to log in: Logo

You are commenting using your account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )


Connecting to %s