Louis van Gaal Press conference: Man United fans fit ginger us to knack Liverpool

Louis van Gaal for Press conference

Una sabi say Manchester United get important Europa League 2nd leg match against Liverpool for Old Trafford. The first leg bin happen for Anfield and Liverpool knack Red Devils 2-0…. Now Man United go dey pray say fans fit ginger dem as dem go enter Old Trafford on Thursday night, knack Liverpool apako sote dem go shit for pant.

As e dey hot, Baba Philosophy don yarn ontop the matter:

Louis van Gaal: “Na big work wey we gots do on Thursday night. We gots believe sha – the fans fit ginger us self.”

Van Gaal talk say e dey too early to dey start Baba Schwein. E also talk say e dey too early to put Young and Valencia for hin squad.

Ander Herrera self wakka come the press conference, this na wetin e yarn:

“We suppose play pass wetin we do last week for Anfield but as e don happen, we gots dey reason the next challenge.”

“We don learn many many from that match. Tomorrow night go dey different. I believe say we don dey ready.”

After Press conference finish, Louis van Gaal con look Herrrera tell am say: “Well done, my pikin.”




Wetin you think?

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )


Connecting to %s