As Anthony martial score fosu mensah cross today, e come be the first player to score for front of sir bobby charlton stand to break record for the first english team to score 1000goals for premeir league.
Our new boys play better ball today as dem win everton for our house to close the gap for top four finish, before the kick off the south corner for our stadium dem name am sir bobby chalrton stand. Our coach drop the same 11 when win man city our the last match. The first chance fall for martial as e volley the ball pass goal for 17min as e and lingard do one fine one two pass. While for the other side of d field lukaku wey smalling and blind pocket am for first half come get chance to score as david de gea save the ball make e nr enter net. Before the first half end rashford do back heel wey fall for martial buh e fail to score am. E come happen say first half finish again we nr still score goal.
For the starting of second half everton come de put pressure for our body as deulofeu de trouble darmain for left back after dem don comot rojo for fosu mensah. Lukaku get chance to score after e dribble blind buh blind sharply block the ball comot. James Mcmarthy claim say ball touch player hand buh referee nr blow for penalty before fosu-mensah collect fine ball for rashford flick come cross give martial to score for 64mins to give us our 1000goal. Everton be won score back sharply as phil jagielka ball hit post.
The goal bring life come the match as mata play ball enter their box buh rashford leg nor touch the ball well before dem block d ball comot. And for the other side de gea wey help us for the first match palm jagielka ball away after one kin corner wey everton play.
Later for ending of match everton try equalise but our defence nor allow dem, na so we comot with sure 3points today to close the space for top four finish.