Player Report Card: West Ham 1-2 Manchester United

Marcus Rashford score one Mad Goal 

Una sabi say Manchester United bin get important FA Cup replay match against West Ham tonight. Na Replay ontop say the first leg bin end 1-1 for Old Trafford, as Anthony Martial bin save our yansh before the match finish.

Marcus Rashford and Marouane Fellaini bin tear net tonight as Manchester United knack West Ham commot for FA Cup, 2-1. The Red Devils don wakka enter Wembley.

Anyway, na the players report card be dis, make una enjoy am:

David De Gea 7.5

E make some mad saves. The one wey e make as Antonio bin try score us from close range, as West Ham get corner. Na The Rebound wey Tomkins use take score sha. The save wey e make from Kouyate and Carroll make brain self. 

Timothy Fosu-Mensah 6.5

E dey improve every match. Anytime e dey carry ball run from our right wing from defence, e dey worry wella. E dey try for defence too sha.

Chris Smalling 6

Louis van Gaal bin give am one task, say make e give Carroll close marking and e do am well.

Daley Blind 6

That mad pass wey e give Fellaini, na wetin start the move wey lead to our second goal. Him na great leader for our defence tonight sha.

Mark Noble dey carry Herrera commot for field

Marcos Rojo 5.5 

E play rubbish. The only thing wey e do na to collect yellow card for first half.

Michael Carrick 6

E try small. That interception wey e make, wey block Valenica’s cross sha, make brain. Later, Ref give am card as e block road for Payet, although e be like say na Payet run enter hin body.

Marouane Fellaini 7.5

Na him score the important second goal, with hin right thigh. For the first half self, e remain small e for score, but Randolph push over the shot wey e play. E try wella.

Ander Herrera 6

E bin wakka commot injured, e waste time for field small sote Noble con carry am commot. West Ham fans bin dey vess.

Ander Herrera and Mark Noble

Jesse Lingard 6.5

E remain small e for open the scoring for us before half-time but Randolph bin use hin leg stop the ball. E play one shot from outside the box for second half, ball fly go wide.

Marcus Rashford 7.5

The Goal wey e score Mad Die: E do some small toushes, e con shoot ball wey fly go top right corner.

Anthony Martial 6

The Shot wey e play for second half bin cause Havoc for West Ham defence, Fellaini con run, use hin thigh put the ball inside net.

Dose wey warm bench at first, but later enter match:

Wayne Rooney, I no fit rate am

E no impact match, e just show face as match wan end. E enter for 90th minute.

Morgan Schneiderlin 5

E no too impact match. E enter for 77th minute.

Antonio Valencia 6

E enter for 67th minute.  E try sha.

Na the players report card be that, so as e be now we go face Everton for FA Cup Semi Final for Wembley.

Until our next game, make we remember say #UNITEDWESTAND

Advertisements

Wetin you think?

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s