Everything una got know: Manchester United v Aston Villa

Manchester United v Aston Villa 

How una go fit follow the match: The Premier League match go happen on Saturday at 15:00 BST. Those of una wey no fit watch am for TV, make una no worry, we go give una live commentaries for our twitter handle @manutdinpidgin.
How everything take be: As una sabi say Manchester United knack West Ham 2-1 for FA Cup, dem go wan use that confidence and ginger knack Aston Villa so them go fit reduce the 4 points gap between them and Man City. Aston Villa get only 15 points, na only maths dey keep them inside Premier League, if i wan talk truth, them don already relegate. If Manchester United knack dem, and Norwich collect points against Sunderland, dem don officially relegate.

The last time wey we jam dem:
The last time wey we jam dem, na Adnan Januzaj tear net as we knack dem 1-0 for Villa Park. The last time wey we play dem for Old Trafford, we knack dem 3-1, Ander Herrera score two, and Wayne Rooney score one.

Who dey Form: As Man United knack West Ham, e don boost their moral after that rubbish defeat against Tottenham, before Tottenham match, United sha don knack Everton and Man City, so dem dey form sha…. Aston Villa on the other hand, their form dey inside gutter, na only 6 points wey dem don collect for away matches this season.

Hot team news: Wayne Rooney don return, but e go start for bench. Phil Jones dey pray make e play after e complete 90 minutes for our U21s on Monday. Januzaj, Baba Schwein and Will Keane don wound. Villa dey without Jordan Amavi and Gabriel Agbonlahor. 

View from the dressing room: “Aston Villa no try at all this season so, if we fit score goals and knack dem, e go good thing onto say we dey fight for top four. We go fight till season finish.” – Anthony Martial.

View from people wey we wan knack: “I dey reason say we fit draw for Old Trafford, so we fit wakka commot from the stadium with pride, but i no too like to dey predict scores ontop say the matches wey i don play for Old Trafford be one kind one kind.”- Ian Taylor

Danger man: The person wey fit worry us na Jordan Ayew.

Referee: The person wey go ref match na Kevin Friend.

Advertisements

Wetin you think?

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s