Player’s Report Card: Man United 1-0 Aston Villa

image

Player’s report card (ManUtd vs Aston Villa)

The top four race continue to dey hot dey go as we jam Aston Villa and we try see if we fit collect all the 3 points for their hand. Aston Villa don already relegate but dem try do stubborn head Wan make things hard for us for the last few minutes for the match.

Last-last, we collect the 3 points as our ogbonge pikin Marcus Rashford hammer dem the only goal for the match and tear their pant.

Now na to dey wait for the next game and other games today. Make we see if Chelsea agbero boys go fit knack ManCity.

Anyway, na the player report card be this. Make una enjoy am.


DeGea : as usual, he save our yansh when the time reach. He do better save. I give am 6

Smalling : he get good game but we don see am play better pass like this. I give am 6.

Blind: plenty pass wey he just dey throw like stone. He get very good game self. I give am 7

Valencia : bàbà bouncer. He carry him strong body worry dem. Na him run go front bring the assist for the goal. I give am 6

Rojo: he try do some runs go front. Clear him lines when dem try attack us. I give am 5

Fellaini: na waka pass he be for this game. I give am 4.

Schneiderlin : he no too show but he dey effective. I give am 6

Mata: waste time too much on top ball. No release pass quick and small touch he go fall like say he dey fast. I give am 5

Depay: average game. Show some good signs say he fit be better player if he put head for ground. I give am 5

Rooney: he try well. He show say he still get wetin he fit give the team. Him pass wey he use locate Valencia na better evidence. I give am 6

Rashford : star boy, no need for story. I give am 7

Substitute

Martial: ẹ bẹ like say that him marriage Wàhálà dey worry am. He no too put body for the game but he try sha. I go give am 5

Lingard: he follow play like Fellaini. Just dey jump up and down nothing to show for all the work. I give am 4

Fosu-mensah : time no really dey to assess am well but him no spoil ball sha. I give am 5

Na the player report card be that, until our next game, make una remember say #UNITEDWESTAND

Advertisements

Wetin you think?

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s