We don put pressure for mancity back as we knack astonvilla enter relegation today, our coach make five changes to the team as our captain return to play match today. The first real chance to score for the match fall for jordan ayew buh na small thing the ball come take pass the goal line. After this one happen na small thing remain lescott been won score own goal against e team. Juan mata too get chance to score early but e wasye after that one happen our former player richardson too get chance to score buh e still waste am. The best part for the match come for 32mins as rooney fling one better pass to valencia when de run for d right wing na so valencia cross the ball give marcus rashford the boy come use style tear the net as e use back leg take score.
For the second half memphis play better ball as rashford been get chance to score two times the first one na defender clear the ball before he first touch mess am up for the second one. Memphis been come get chance from free kick but the tbing nor trouble guzan at all, before mata force guzan to make save after daley blind fine corner wey e cross.
Jesse lingard and anthony martial come enter to replace marcus rashford and wayne rooney but we nor still create chance to score goal plenty, with only seven ninutes wey remain to go villa come de find goal but blind and schneiderlin block the ball before clark force our keeper to make save.
Gestede wey de good for up ball been de cause problem for dieing minutes but e nr take d ball do anything as the match been end for the 1-0 amd we gather our sure three points.