Manchester United U21s don carry league after dem knack Spurs 3-2. The people wey score for us na Love, Pereira and Varela.
As match start, our pikins bin score two goals fast fast (Donald Love and Andreas Pereira), then Spurs con equalize after our defence set yansh… Ref con talk say na 4 minutes stoppage time e dey give. We think say the match go end draw till Varela with the last kick of the game, e play one time shot, wey fly tear net. As e score am, everywhere scatter for stadium.
Our U21 Capo’James Weir’ no play yesterday, E don injure and e fit no play again this season.
Some of our senior team and ex players don yarn ontop the matter self, E sweet dem.
Ashley Young: “O Boi, See Levels!!! I just say make i hail Warren Joyce and our U21 pikins, una don carry League again.”
Wayne Rooney: “Our pikins too much abeg!! I just say make i hail our U21 squad, dem don carry league.”
Rafael Da Silva: “My Pikins and Warren Una Try jor!! Una don carry League.”
Timothy Fosu-Mensah: “Yes my people!!, Champions.”
Baba Schwein: “Wetin dem do carry weight. I just say make i hail Warren Joyce and the U21 team onto say dem don win league!”