Five things wey we observe as Manchester United knack Everton 2-1 for FA Cup semi-final

img_9918

Na Maroune Fellaini score first goal for United

On Saturday, Manchester United bin tear Everton yansh twice and the Red Devils don wakka enter FA Cup Final. The people wey score for United na Maroune Fellaini and Anthony Martial (with hind 93rd minute winner). The match bubble wella, Lukaku miss penarity, De Gea punsh am. E remain small the match go enter extra time as Chris Smalling score own goal from cross wey Cleverly play, but Martial bin keep hin cool as e score that goal for dying minute.

We don sharply observe five things wey we go like share with una:

The first thing wey we observe be say United bin play well for first half, pass second half… For First Half, fashi say Lukaku bin miss two one on one chances, we play ball pass them. We control game, we worry dem, attack with vess, but we no dey Clinical enough as our forward players just dey thruway chances, one after another.

The second thing wey we observe be say Fosu-Mensah struggle againt Everton… E no too help for attack, E bin make plenty mistakes… Na him wey cause the first one on one wey Lukaku get, e no too put body for ball… Na him wey cause the penarity wey Everton see self, but Thank God say na winsh dey our post. E be like say as Van Gaal don leave am for bench before today, hin moral don drop… We dey pray make e improve, dey play like the Fosu-Mensah wey we sabi.

The third thing wey e observe be say Louis van Gaal bin dey tactically sound for the match. The formation wey e start control game. Them no too let Everton see ball for first half. Na Maroune Fellaini wey e start score first goal. For second half, Everton con control match small but the two subs wey e make bin dey important as we knack Everton. The first na when e commot Fosu-Mensah and e put Valencia, the thing improve our attack again, Valencia just dey worry Everton with better pull-out. The person wey replace Fellaini na Herrera, but before e commot Fellaini, e save our yansh. They get one ball wey Lukaku for don score, as e dey load to wipe shot wey for enter net, Fellaini rush back and e throw himself block that ball, enter corner. As Herrera enter match, e make two impacts, e hold person shirt as dem wan go score us, collect yellow card and as match one finish, upon say e dey fall down, e still stretch play pass give Martial and Martial run, tear net.

Na Anthony Martial score winning goal for 93rd minute 

The fourth thing wey we observe be say Wayne Rooney don balance our midfield. Before Rooney wakka come back from injury, something bin dey missing for our midfield. The people wey dey go just dey pass ball without vision. But as Wayne enter our team again, E fit just look up, sight person wey dey open and e go throw one mad pass. This guy still get am for body abegi!!

The last thing wey we observe be say Manchester United players bin show say their fighting spirit never die. Match wey look like say na Everton go win am, onto say as dem equalize, dey begin worry us. But different people save us for the match, from Rooney to De Gea to Fellaini. Dem really show say dem wan carry FA Cup title… Now na one match to go for FA Cup for us, and if we win am, we go don carry am.

Advertisements

Wetin you think?

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s