Manutd and leicester city play better match today as the game end for draw but the two team for like win before.
Anthony martial and wes morgan na score for the match today, leicester for secure the title today how wish say dem beat us for old trafford today.The match today gather people from around the world based on leicester story this season. Among the big people wey show the game capello and cantona de among the crowd. Louis van gaal been don talk before say we nor fit allow leicester win the league for our house and from the beginning of the match the boys turn up well as martial burst net for 8mins inside the match,the ball come from valencia cross before martial play low ball enter net. The goal mean say the boy don burst net 15times this season.
Leicester come show why them won win league as dem sharply score back through wes morgan their captain from one danny drinkwater freekick inside 16mins. Both teams been get chance to score more as fellani and lingard force their keeper to make save, before the new PFA player mahrez get penalty claim but the ref nor reason am.
The second half start as morgan win ball again from rojo but de gea save the ball before martial too ger chance to score for the other side but e fail am. For 51mins simpson cross ball enter the box but the ball roll pass as okazaki nor fit touch am.
Plenty people come get yellow card as the match don de hot, our coach come make attacking sub as e put mata for 61mins to play e 100 match for us since e come. We come de push for goal as fellani head ball from blind corner but e pass the goal, mahrez come force our keeper to save ball from ine fine chance for 20yards out. With 78mins of the match smalling come jump meet rooney cross.
For 87mins drinkwater come collect second yellow as e drag memphis for the edge of the penalty box before their keeper make fine save to stop rooney ball for the free kick wey follow.small time wey pass again for inside injury time schmeichel save rooney ball before ref end the match today.