Four things wey we observe as Manchester United knack Norwich 1-0

Man United dey pray make Arsenal knack Man City so we go get hope for Champions League. 

Manchester United bin knack Norwich 1-0 for Carrow Road today. The person wey score for Red Devils na Juan Mata after Wayne Rooney do better assist for am. E mean say United hope of Champions League still dey alive as dem dey one point behind Man City, while Norwich don chook two legs inside Championship, na only their head remain for Premier League. 

We wan sharply tell una the five things wey we observe for the match:

The first thing wey we observe be say Man United bin play rubbish die. Na God save us today. Almost everybody play rubbish, na only Juan Mata try. Rooney self wey do assist, e lost for most part of the match. Memphis dey do the usual. The performance today no dey acceptable. Make dem no play like this against West Ham on Tuesday night.

The second thing wey we observe be say Louis van Gaal don kill Adnan Januzaj moral.. First, e tell am make e change.. as Januzaj wan prepare enter match, Mata score and Baba Philo con change hin mind and e put Schneiderlin.. Later, e con tell Januzaj make e dey ready again, as Januzaj dey smile, wan enter match, Baba Philo con tell am say make e warm bench onto say e wan put Fosu-Mensah… Martial and the people wey dey bench con dey laugh Januzaj.

Juan Mata don keep our Champions League hope alive 

The third thing wey we observe be say Ander Herrera and Michael Carrick play rubbish for midfield today. Herrera just dey mis-pass. E go just dey ginger but hin final pass go be error. Carrick hin own don weak me, e go dey call for ball like say e wan do better thing but na rubbish e go play.

The last thing wey we observe be say Lingard dey struggle for No.10 and Juan Mata dey struggle for Right-Wing… E dey obvious say Mata dey cry out for No.10 place onto say e dey very creative. Lingard wey no dey creative dey play there. na only side pass e dey give. E no even throw one creative pass for the match.



Wetin you think?

Fill in your details below or click an icon to log in: Logo

You are commenting using your account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )


Connecting to %s