Everything una gots know ahead of Manchester United vs Bournemouth

Manchester United v Bournemouth

How una go fit follow the match: As una sabi say the match bin suppose happen on Sunday but yawa bin gas, now United’s Barclays Premier League last home match go start on Tuesday at 8:00 pm. Make una no worry, when match start, we go give una live commentaries for our @ManUtdInPidgin twitter handle.

How everything take be: As Manchester City and Swansea bin play 1-1 draw, Manchester United gots score 19 goals if dem wan finish for top four, else na Europa League dem go play. 

Who dey form?: Manchester United don lose 2 out of 12 matches, against Tottenham and West Ham. Fashi say Anthony Martial bin ginger for Upton Park, West Ham knack us onto say almost half of our team dey play like mumu that night. Louis van Gaal’s men don only lose twice for Old Trafford this season. Bournemouth wey dey siddon for 16th don win three of their last six away matches.

The last time wey the two teams jam: Bournemouth knack United 2-1.  Them score first through Junior Stanislas, then Maroune Fellaini con cancel out their goal, later former Red Joshua King con score winning goal for them for second half.

Latest team news: Anthony Martial don prove hin fitness for Upton Park, while Marcus Rashford and Daley Blind bin return for that match. Matteo Darmian bin miss out on ankle injury. Baba Schwein and Luke Shaw still dey sidelined. Baba Fella still dey suspended. Adnan Januzaj bin wound for training.

This na wetin person talk from the dressing room: “We bin dey lead for West Ham match but our brain con off, na hin dem knack us. We gots knack Bournemouth and observe wetin go happen.” – Michael Carrick.

Danger man: The person wey our defenders gots watch out for na Benik Afobe.

Referee: The person wey go ref match na Jonathan Moss.

Wetin you think?

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s