Louis van Gaal don release statement ontop hin Manchester United sacking

Louis van Gaal carry FA Cup for Manchester United

As Manchester United don confirm say dem don sack Louis van Gaal, Baba Philo don release hin official statement.

Manchester United Official Statement: Van Gaal commot now now – we no do again

Rio Ferdinand don yarn hin mind ontop Van Gaal’s legacy

Manchester United don sack Louis van Gaal – say make e pack commot

You see how Mourinho news cover Van Gaal handwork?

This na wetin e yarn:

I dey honoured say i see chance to manage club wey big like Manchester United FC, and as i manage dem, I don fulfill my long-held ambition.

E dey make my head swell say i help United win their 12th FA Cup title. E dey make my head swell say i don carry 20 trophies for my career but this FA Cup wey i carry so, wey get big history and tradition, na one of the most special things wey i don achieve for my career.

E dey pain die me say i no go fit finish my three-year plan. I believe say i don already set the foundation wey the club fit use move foward and achieve better things.

I dey hope say this FA Cup wey the club don win go help United to wakka enter success wey fans like.

As i don manage for Holland, Spain and Germany, i bin dey pray for the chance to manage for English Football so i go fit become part of English culture. I don live my dream as i don experience am for Manchester United.

I wan thank my players and i dey wish them well for next season. I dey honoured say i bin see chance to work with them. I also wan hail Manchester United supporters wella. Una be the best fans wey dey this world, i don see for myself.

I also wan thank the owners and board of Manchester United ontop say dem gimme chance to manage this great club.

I also wan hail my coaching team. una try abeg.

Finally, I wan hail Sir Alex Ferguson and Sir Bobby Charlton ontop say dem two make me feel at home, when i been dey manage Manchester United.

 

Advertisements

Wetin you think?

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s