Rio Ferdinand don yarn hin mind ontop Van Gaal’s legacy

Rio Ferdinand talk say e like as Van Gaal promote youths for Man United

When Day break this morning, we hear say Manchester United don sack Louis van Gaal and hin whole staff. Many People don dey yarn ontop the matter say e make sense as dem sack am.

Manchester United Official Statement: Van Gaal commot now now – we no do again

Louis van Gaal don release statement ontop hin Manchester United sacking

You see how Mourinho news cover Van Gaal handwork?

As everything be now, Man United never confirm the tori but everybody don believe say na true. Rio Ferdinand self don yarn ontop the matter. This na wetin e yarn:

“After i don observe everything wey dey happen… I just reason say make i drop a few words ontop Louis van Gaal (LVG) aka Baba Philo Philo. The strange way him dey take run hin own things na wetin we fit respect in many ways but na part of the things wey finish hin career for Manchester United. The kind thing wey United dey call success na when dem dey lift Premier League or Champions League and also the kind football dem suppose dey play na sweet attacking football (one wey dey sweet person belle as e dey watch am). Na pity say Baba Philo no fit achieve wetin we want. Him na huge personality wey win FA Cup, e don prove again say any country (Club) wey e wakka enter, e go carry trophy. But the best thing wey e do for out club (i.e The thing wey everybody go remember him for) na say e introduce small pikins from our academy wey shine gan like Rashford, Lingard, Fosu-Mensah, etc… E don keep our history alive – E give youths chance to play.”

Advertisements

2 thoughts on “Rio Ferdinand don yarn hin mind ontop Van Gaal’s legacy

  1. Pingback: Man United starboy Timothy Fosu-Mensah don sign with Super-Agent Jonathan Barnett | MAN UNITED IN PIDGIN

Wetin you think?

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s