Baba Schwein fit miss Germany vs France Semi-final: E don wound


Baba Schwein fit miss the Euro 2016 semi-final match wey Germany get against France after e wounjure hin knee.
The Manchester United Midfielder bin replace Sami Khedira for the first-half of the quarter-final Germany vs Italy match. Hin leg bin dey pain am for the match but e play on like that. Fashi say Baba Schwein bin miss hin penarity, Germany still kick Italy enter gutter for Euro2016. 

Germany Squad don dey reduce like play like play as Mario Gomez don wound, Sami Khedira self don wound, now Baba Schwein fit miss the match onto say e don wound. Mats Hummels self no go play the match against France, e dey on Suspension.

This na wetin Germany coach Joachim Low yarn ontop Baba Schwein matter:

“I dey hope and pray say Baba Schwein go dey available for the match (vs France) but one thing dey sure, i no fit allow anybody wey no dey 100% fit to knack ball.”

“Na real Bad thing wen important player wound for the Stage wey carry weight for the Tournament. Fashi say when tournament start, Baba Schwein no too play, e bin sure us say we go need am and all the times wey we don put am, e try wella. E dey work hard.”

Wetin wey DFB’s Official site talk na say Baba Schwein don wound for hin right knee but say e fit still knack ball for Euro 2016.

Advertisements

Wetin you think?

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s