Manchester United don confam am: Henrikh Mkhitaryan na United player


Manchester United don confam the third person wey dem go sign this summer, na Henrikh Mkhitaryan. The Money wey Manchester United give Bourissa Dortmund for am na £26.3m, we also hear say na four year deal.

This na wetin Mkhitaryan yarn ontop the matter: 

“My dream don come true o. E sweet me say i don wakka enter Manchester United, na club wey i don dey eye since. E dey make my head swell, this move wey just happen so, e be like dream. E dey sweet me for body say i go knack ball for club wey get BIG history n i dey pray make i last for here for long time.”

This na wetin Jose Mourinho yarn ontop the matter:

“Mkhitaryan na person wey sabi ball gan, E dey MAD form for hin club and country, all join. Him na player wey no dey selfish wit ball, e get skills, e sabi throw pass wey go tear defence yansh n e sabi tear net too. E sweet me for body say e don sign for Manchester United.”


Wetin you think?

Fill in your details below or click an icon to log in: Logo

You are commenting using your account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )


Connecting to %s