Manchester United manager Jose Mourinho and the new people wey e sign Henrikh Mkhitaryan and Eric Bailly bin dey wakka go hotel after dem finish train for Carrington, na hin fans rush dem outside their hotel to snap pishure (as dem don blow) on Friday.
Mourinho, who already don yarn say e sweet am gan say e dey manage the Biggest club wey dey for UK, bin dey look as if e wan crash as e dey return to the Lowry Hotel in Manchester.
The fact say e wan crash no stop am sha, e still snap pishures with fans wey dey yori yori for hin matter.
Mkhitaryan, the person wey United sign for £26million from Borussia Dortmund, bin dey jolly as one fan give am jersey make e sign for am.
E don already prove say e sabi ball gan. Manchester United fans go dey pray make e turn up this season, so we go fit fight for Premier League title. Him self don already yarn say e dey make hin head swell say e wakka enter United.
Him and Baba B go dey part of the squad wey dey fly go China on July 17, dem go knack two pre-season matches for there.
United go play Borussia Dortmund on July 22, den dem go wakka go play Manchester City on July 25.