Manchester United’s manager Jose Mourinho dey ginger for market as e dey buy people wey sabi knack ball dey go. E don already start training self for Carrington with the players wey dey available like Mita Mita (Henrikhh) and Baba B (Eric Bailly).
Baba Special don already bring back the fear factor to Old Trafford as many English clubs dey fear United already and season never even start.
Five Things wey we don learn from the interview wey Mourinho do
Jose Mourinho don send one sharp message to all the Manchester United fans wey dey this world, this na wetin e yarn:
“I fit relate with the fact say you dey expect many things from me, but me self dey expect many things from you. If we no join body as one family ehn, we no fit jolly and i dey reason say the way people take dey put all their mind, body and heart for this club, e make brain gan.”
“When i first wakka enter Manchester United, the first thing wey i do na to kack the Manchester United jersey. This na the kind of club and jersey wey dey make my head swell to represent. The way fans take love this club ehn, and me i believe say i be club man. I go try my best to jolly and to make people jolly self. E no matter who dey manage United, the fact say we dey buy new players self no be the koko… The main koko be say na Manchester United be this, and e big pass any of us.
“Anytime wey i wan yarn about wetin i wan achieve, i go dey ginger, i go dey proud.” Jose Mourinho talk say e go like make Manchester United sign Pogba before this week end.”