Man United star Bastian Schweinsteiger and tennis star Ana Ivanovic don marry

Baba Schwein and Ana Ivanovic don marry

Baba Schwein and Ana Ivanovic wakka enter Private jet wey carry them and their close paddies go Italy on Monday, then the wedding con happen on Tuesday.

Manchester United midfielder Baba Schwein and tennis player Ana Ivanovic don finally become Husband and wife at one ceremony wey happen for Venice.

Them two, wey begin date for 2014, bin slay gan as them wakka commot for the Venice hall wey the wedding bin happen.

Baba Schwein fit wakka commot from Manchester United

Baba Schwein bin dey wear navy blue suit wey fresh, Ivanovic bin wear traditional pristine white wedding dress.

After dem wakka commot from the wedding venue (Dey bin dey hold hands), dem two wakka enter one boat wey carry them commot.

No be only Baba Schwein and hin wife enter the boat o, dem get two bodyguards wey follow dem. The bodyguards no smile at all, dey bin dey ready to change am for anybody wey go try disturb Bastian and Ana.

Baba Schwein and hin wife sabi slay sha

Baba Schwein whole mind bin dey the semi-final match wey Germany play against France, but as France kick dem commot, E con make up hin mind say e wan marry. Hin close paddies and Family bin no even know say e wan marry, e just tell dem say make dem show on Monday morning. As dem show, dem see say one Private jet dey ready to carry demgo Italy, say Baba Schwein and Ana wan marry.

Baba Schwein na former Germany Capo

The Manchester United star go face Mourinho after e come back from hin Honeymoon, Baba Special fit talk say make hin commot or make hin stay. Na only time go tell.

Na the boat wey carry dem after the wedding be this

One thought on “Man United star Bastian Schweinsteiger and tennis star Ana Ivanovic don marry

Wetin you think?

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s