Baba Special don assure fans say hin go de win for Old Trafford wella. Him say no be today wey hin don de carry him former teams de come Theatre of Dreams carry 3 points de run.
From Baba Special mouth, “When I bin carry Porto come Old Trafford 2004, my team score goal for dying minutes wey we use qualify go win Champions League. That match plus the trophy announce us wella.”
Him still continue, “I carry my other teams come here; Chelsea, Inter and Madrid. I win with Chelsea and Madrid iside Old Trafford.”
The fans dey also hope say as him bin make Stamford Bridge and San Siro place wey him former teams no de lose, na so Old Trafford go be.