- Paul Pogba bin spend time with Zlatan Ibrahimovic when e dey for LA
- Juventus Star fly commot from Los Angeles and e land enter Miami
- Te 23-year-old bin fly with hin paddy, Romelu Lukaku
- The way English media take dey link Pogba back to United, if e no come ehn, make I know wetin cause am.
Paul Pogba and Romelu Lukaku bin dey inside plane for long as dem two fly commot from Los Angeles, enter Miami. This their holiday after the Euro 2016 tournament wey just finish na flexing things sha, money good o.
Manchester United target Paul Pogba bin drop pishure of when hin dey wakka commot from private jet, Romelu Lukaku na the first person wey wakka commot from plane sha. One video bin drop self, of how dem take come down from plane, dey sha wan oppress us. As dem wakka come down from plane, Pogba dey say “I don land, I don land.”
Lukaku and Pogba bin dey LA together, dem go party for one 1Oak Nightclub. People bin sight the Everton forward as e dey wakka commot from the club with the 23-year-old Juventus midfielder wey Manchester United go like sign.
The Frenchman, wey wakka commot from United in 2012 for free, dey enjoy life for Juventus but Jose Mourinho wan use big money attract am, so e go wakka enter back Old Trafford before transfer market go close.
Agent Mino Raiola, na the person wey dey manage both Lukaku and Pogba and e don get huge impact on the transfer wey Manchester United don do this summer, e help United sign Henrikh and Zlatan Ibrahimovic.
Pogba don open the door to more Manchester United rumours after e talk say Manchester United na hin ‘first family’
Pogba also tell reporters say: “If Mourinho call my name, I go ask am wetin hin want.”
“Real Madrid na big club and dem don carry Champions League.”
“Juventus na my family, and e dey sweet me to kack their shirt, na dem I dey play for, and e dey sweet me when I dey play for them.”
“Anytime wey I wear Juventus shirt, e dey sweet me when I dey play ball and na wetin I don dey wish for since when I be pikin.”