Five Things wey we observe as Manchester United knack Wigan 2-0

image match

Andreas Pereira bin score the second goal as Manchester United knack Wigan 2-0 for Pre-season

Jose Mourinho bin manage hin first Manchester United match today and hin boys do am proud as dem knack Wigan 2-0 for their stadium. The match bin make brain o, The person wey score the first Manchester United goal for Mourinho’s era na Will Keane (person wey start for bench but e wakka enter for second half).

We wan sharply tell una the five things wey we observe for the match as Red Devils off Wigan pant two times:

The first thing wey we observe be say Manchester United bin dey play attacking football. Everytime wey dem hold ball, na front dem dey carry am go. The team wey start the match bin dey very sharp but dem no fit tear net. The person wey sharp pass na Henrik (Mita Mita), e go just carry ball, dey dribble people dey go. The team wey enter second half bin dey more hungry for goal na why Will Keane and Andreas Pereira tear net.

Mita Mita bin show say e sabi play ball – E dey move with fire

The second thing wey we observe na say Ander Herrera bin dey balanced today, e be like say him and Jose Mourinho dey reason wella. Herrera bin struggle under Van Gaal last season but the way hin take play today, e fit be regular first team player for Mourinho.

Jose mourinho don start work for Man United today with match against Wigan wey we win 2-0

The third thing wey we observe na say Mourinho no dey siddon like Van Gaal. Even if na small match wey we play today, E put hin whole mind for the ball. For second half, when leg pain am, e con squat like say e wan shit.

Jose Mourinho no gree siddon – when e tire, e begin squat like say e wan shit

Another thing wey we observe na say Manchester United defence bin dey scrappy small for first half. If say Wigan na strong team, dey for don score self. Red Devils gots learn how to dey rigid for defence. To dey make error for defence no be am.

Where be Mkhitaryan Best Position?

The last thing wey we observe na say plenty Manchester United fans bin come watch the match. If say The Board no sack Van Gaal ehn, e sure me say na only chair for dey watch United today as fans bin commot mind for United matter but the fact say fans bin dey hungry to see Mourinho first match, plenty of dem wakka enter stadium to show Red Devils love.

 

Advertisements

13 thoughts on “Five Things wey we observe as Manchester United knack Wigan 2-0

  1. Pingback: Jose mourinho don start work for Man United today with match against Wigan wey we win 2-0 | MAN UNITED IN PIDGIN

  2. Pingback: A.Pereira don win EMMA Man of the match: How e take outshine his Man United mates | MAN UNITED IN PIDGIN

  3. Pingback: Jose Mourinho dey jolly ontop hin first Manchester United win | MAN UNITED IN PIDGIN

  4. Pingback: Manchester United players don react ontop Wigan yansh bursting | MAN UNITED IN PIDGIN

  5. Pingback: Andreas Pereira dey ginger to shock Jose Mourinho | MAN UNITED IN PIDGIN

  6. Pingback: E dey hungry Juan Mata to sink Man City on MU Tour – E wan impress Mourinho | MAN UNITED IN PIDGIN

Wetin you think?

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s