Claudio Ranieri don yarn hin mind ontop the managers wey fit worry am: Pep, Klopp Conte and Mourinho

Claudio Ranieri bin make History last season as Leicester carry Premier League title

The Premier League this year go pack world-class managers wey don wakka enter the League to try steal the BPL title away from Claudio Ranieri and hin Leicester City boys. The way Leicester take carry League last season shock everybody, but now na new season and nobody dey smile. 

Some of the managers wey go dey coach for Premier League this season na Pep Guardiola, Jose Mourinho, Antonio Conte, Jurgen Klopp, Arsene Wenger, and Mauricio Pochettino.

E dey hungry Marcus Rashford to go for hin first senior Manchester United Tour

Leicester City Manager Claudio Ranieri (Defending Champ) don expect say e go hard to win the League again this season onto say too many managers wey sabi don come the league. E praise Antonio Conte and e talk say e believe say Chelsea go improve under am. This na wetin Ranieri yarn for Gazzetta dello Sport:

“Antonio and Chelsea be like husband and wife.”

SK Rapid v Chelsea F.C.  - Friendly Match

Antonio Conte bin carry Italy reach Quarter Final for Euro 2016

The main people wey follow Leicester drag for title last season na Tottenham and Ranieri talk say e believe Tottenham go fight for League again this season under Pochettino.

This na wetin e yarn about Tottenham Manegr,  “Pochettino na the person wey worry me, when season bin wan finish.”

Our Weekly Tori Review: Manchester United talku talku

Even Klopp bin wakka enter Liverpool for the middle of last season, fashi say Liverpool play rubbish last season. Raneri talk say e like Klopp and e believe say the guy go improve Liverpool.

Wigan Athletic v Liverpool - Pre-Season Friendly

Klopp bin no try for Liverpool last season – e go wan impress this 2016/17 campaign

“E dey work well o. Klopp for don sabi how things be for Premier League so the season go favour am. Him and Liverpool go toether self.”

The person wey Ranieri praise pass na Manchester United new manager Jose Mourinho, e talk say e dey hungry am to knack ball against Baba Special.

Jose Mourinho go dey eye Premier League title this season

“Mourinho fit become the new Sir Alex Ferguson,” Na wetin Ranieri yarn. “E no go stay for Manchester for 26 years sha but e go make hin mark.”


2 thoughts on “Claudio Ranieri don yarn hin mind ontop the managers wey fit worry am: Pep, Klopp Conte and Mourinho

  1. Pingback: Manchester United manager Jose Mourinho no gree sign Chelsea Jersey in China | MAN UNITED IN PIDGIN

Wetin you think?

Fill in your details below or click an icon to log in: Logo

You are commenting using your account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s