Rio Ferdinand: Mourinho fit win League – Pogba gots score 40 goals if we buy am for €120m

img_0948

Rio Ferdinand dey pray make Manchester United carry League next season 

Former Manchester United defender Rio Ferdinand don yarn hin mind ontop some issues wey dey bother am ontop Red Devils matter. Ferdinand wey bin dey United when the club bin dey carry League almost every season dey voice hin mind ontop say after Sir Alex Ferguson commot, na so so toture e be to watch Manchester United match. But e dey happy say United don get Baba Special, and say if dem fit get Paul Pogba, say we fit see the glory days again.

“I dey reason say €120m dey too much for any player. Anybody wey dem go buy for that amount gots dey score 40 goals every season,” Na wetin Rio Ferdinand yarn. “But Paul Pogba go soon be the best midfielder wey dey this world. E fit start new history for Manchester United and carry many trophies, if dem go gree buy am for that amount sha.”

5 Areas Man United gots improve if them wan win Major titles this season

“Manchester United attack make sense die, na the midfield and defence wey no carry weight. Dem gots buy more players. Now wey Jose Mourinho don wakka enter the club, United fit win league this season,” Rio Ferdinand still dey yarn. “E shock me say last season, Manchester United bin dey target to finish for Champions League, Tufia. When I bin dey there, every season, na League we dey target.”

E dey hungry Juan Mata to sink Man City on MU Tour – E wan impress Mourinho

“Na the best time wey Manchester United don get Jose Mourinho ontop say e go dey vess for wetin Chelsea do am, and e go wan prove a point. E sabi wetin e want and e go achieve am,” Rio Ferdinand still dey talk. “The work wey e gots do plenty sha ontop say dem finish fifth last season and dem no dey inside Champions League.”

Advertisements

3 thoughts on “Rio Ferdinand: Mourinho fit win League – Pogba gots score 40 goals if we buy am for €120m

  1. Pingback: Zlatan Ibrahimovic don react to wetin Eric Cantona talk – I Go do pass you for Manchester | MAN UNITED IN PIDGIN

  2. Pingback: Paul Pogba Transfer Amebo: Man United wan pay Juventus €100m | MAN UNITED IN PIDGIN

  3. Pingback: Massimiliano Allegri: Jose Mourinho i dey warn you, commot eye for Pogba matter | MAN UNITED IN PIDGIN

Wetin you think?

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s