Man United Pikins wey fit impress Jose Mourinho on MU Tour

pereira

Fosu-Mensah, Pereira and Tuanzebe

Jose Mourinho don select nine academy graduates wey dey wakka go MU Tour 2016, wey Aon dey arrange, and e sure me say e dey hungry each of them to impress Baba Special for China. We don sharply do small talk talku ontop the pikins:

SAM JOHNSTONE | GOALKEEPER | AGE 23
The goalkeeper never keep for senior team before when season start, na only for pre-season wey e don keep for United. Na him wey start against Wigan Athletic on Saturday, match wey United win 2-0 and e go dey hope say Baba Special go use am against Dortmund and Manchester City, as as David de Gea and Sergio Romero never train under Mourinho yet.

Everything una gots know about the Man United transfers: Who dey come? who dey commot?

TIM FOSU-MENSAH | DEFENDER | AGE 18
Him na defender wey fit play many positions. E fit play midfield self. E impress last season sote e play 10 matches and e go dey hope say e fit impress Baba Special in China so e go dey start for am. Against Wigan, e bin start for Right-back.. Na him and Antonio Valencia go dey compete for that position as Matteo Darmian still dey enjoy hin holiday.

PADDY McNAIR | DEFENDER | AGE 21
Him na player wey dey knack ball for Nothern Ireland, e play for Euro 2016 self. E don play 27 matches with senior team. E sabi play centre-back, full-back and e sabi play holding-midfielder. E fit dey useful on Tour and the matches wey hin play, e go wan impress Mourinho.

Why Cameron Borthwick Jackson no dey MU Tour squad? 

AXEL TUANZEBE | DEFENDER | AGE 18
Mourinho don already praise am, say him na defender wey get skill, and e talk say na only for 10 minutes wey e watch am but e know say the boy get potential. Some people don dey compare am to Rio Ferdinand. E also don win Jimmy Murphy Player of the Year before.

ANDREAS PEREIRA | MIDFIELDER | AGE 20
Him na Brazilian wey sabi ball. Last season, e bin play 11 matches for United, the free-kick wey e score against Ipswich Town make brain self. E also tear net against Wigan for DW Stadium on Saturday. Mourinho don already yarn say e get vision and e get skill.

JESSE LINGARD | MIDFIELDER | AGE 23
Jesse aka FA Cup yansh burster… Him na the person wey score the winning goal for FA Cup in May. Last season, him na first team regular, e play 41 matches and e go dey hope say e fit impress Mourinho.

E dey hungry Marcus Rashford to go for hin first senior Manchester United Tour

ADNAN JANUZAJ | MIDFIELDER | AGE 21
Januzaj na the most experienced pikin for our team. E don play 63 matches. Hin progress last season bin decline as e wakka enter Dortmund and things no work out. As e come back, Van Gaal no give am chance again. Now e don dey ready to fight for shirt.

WILL KEANE | STRIKER | AGE 23
This na one of the strikers wey dey very promising. The only thing wey dey spoil hin shine na injury. Na him wey score the first goal against Wigan on Saturday and e go dey hope to impress Baba Special.

MARCUS RASHFORD | STRIKER | AGE 18
Marcus Rashford aka Rashidi na pikin wey blow last season for Europa League after Anthony Martial wound for warm up. Since then, e use cement snatch hin place for starting line up. Now wey new manager don enter, e go wan impress. Last season, e tear net 8 times for 18 matches. Baba Special don already yarn say Rashford, Rooney and Smalling no go play any match for China (because dem reach round of 16 for Euro 2016), but say dem go train.

Advertisements

2 thoughts on “Man United Pikins wey fit impress Jose Mourinho on MU Tour

  1. Pingback: Fulham don dey chook eye for Manchester United striker James Wilson | MAN UNITED IN PIDGIN

  2. Pingback: Manchester United players don resume work for China – Training don start | MAN UNITED IN PIDGIN

Wetin you think?

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s