- Memphis bin struggle last season after Luke Shaw wound.
- E bin play 29 matches for Premier League last season and 13 of them, e wakka commot from bench.
- Depay dey among the squad wey dey fly go China for Tour
- E don show una everything wey hin dey carry go China.
Memphis Depay go wan impress hin new Manchester United manager Jose Mourinho, as e dey wakka go China with the rest of Red Devils senior team for Pre-Season.
And the Dutchman don sharply show fans everything wey hin dey carry go for the tour, e snap pishure and e put am for instagram.
Some of the things wey e dey carry na hin Under Armour wey e go use train, football boots, headphones, Apple laptop, chop sticks, coconut water, hair wax and a holdall.
This na wetin the 22-year-old former PSV yarn ontop hin instagram: “E dey, E dey, E dey, I don dey set. E be like say na everything i go need be this. China i dey come.”
Depay bin dey unhappy at Old Trafford last season onto say Louis van Gaal bin bench am sote hin moral drop, na only 29 matches wey e play for Premier League, and 13 of dem, na bench hin commot. Na only two goals wey e score for BPL self.
But the Holland international go dey hope say e go fit show United fans and manager why them buy am for £25 million. E go wan impress Baba Special for China.
The teams wey Manchester United go face for China na Borussia Dortmund on July 22, then Manchester City on July 25th.