Bastian Schweinsteiger don retire from international football but e still dey useful for United

IMG_7574

Baba Schwein dey give De Gea Capo Hand Band

Baba Schwein don retire from international football, na wetin e yarn ontop twitter today. E mean say e no go tap ball for Germany again.

Make i talk truth, the matter make brain sha onto say all d times wey e wound last season na when e go play ball for international break. E fit focus on Manchester United this season if Baba Special no sell am.

Mourinho don come United to revive the team after the LVG and Moyes era. Many people dey expect Mourinho to buy new players and also remove players wey em no need for the team, but Mourinho gats dey careful as to who em remove from the club because if e make mistake, e go worry the club wella.

Bastian Schweinsteiger never too enjoy em first year for United as injury don disturb am wella. Plenty doubts dey over em future for United, plenty reports don link am to PSG too. Bastian currently dey for Honeymoon after em Marry Ana Ivanovic just after the Euro 2016.

img_0765

Bastian na person wey Mourinho no fit afford to lose, that guy get plenty to offer to the team, we don see the games em don play, we don see that leadership qualities wey em get. We also don see the passion and desire em get to play for the team and how to win dey hungry am, so e no go make sense if we allow this kind person go.

Juventus Director general Beppe Marotta talk say na lie, United neva drop money for Paul Pogba

Bastian fit teach our small pikins them one or two things wey go help them grow well. Bastian na influential player and em fit bring more of em influence to this Mourinho team.

Person fit complain say we gats sell am because of em Injury wahala, ehn if that one na problem then e fit dey come as sub at least because e no go make sense say we sell am.

Mourinho Press Conference: Pogba dey come? E no dey come? I no go tell you

Mourinho don dey add new players to the team as e wan rebuild United, I still believe say Bastian still get role to play for the team and e no go make sense say them sell am.

Advertisements

One thought on “Bastian Schweinsteiger don retire from international football but e still dey useful for United

Wetin you think?

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s