Man United no give anybody Pogba’s number – E fit still come Old Trafford

The jersey number (Number 6) wey Paul Pogba like pass for Manchester United dey vacant as Red Devils no gree give anybody. E fit be say them dey save am for Paul O.

Manchester United dey heavily linked with Paul Pogba, fashi wetin hin agent Mino Raiola talk 

Manchester United don reveal the number wey each of our players go dey rock for the new 2016/17 season.

Fans bin dey jolly as Zlatan Ibrahimovic collect Number 9 from Anthony Martial. Martial con collect Number 11 from Adnan Januzaj. Eric Bailly dey kack Number 3, while Henrikh (Mita Mita) dey kack Number 22.

However, as fans see say Number 6 dey available, e con dey make dem happy as some people still believe say Pogba deal go happen.

Reports wey we dey hear, na say Paul Pogba go wakka enter back Old Trafford as Ed Woodward and hin board dey ready to drop big money to attract am.

Juventus Director general Beppe Marotta talk say na lie, United neva drop money for Paul Pogba

Fashi say hin agent Mino Raiola yarn say United and Juve never gree on anything, say Social Media dey yarn rubbish, we still believe say something fit happen.. Na the same thing wey Raiola talk ontop Zlatan but last last e still wakka enter Old Trafford.

 

The jersey number wey Pogba don rock pass for Juve na Number 6… Na last season wey Juve dash am the Number 10 jersey to make hin head swell ontop say na the number wey the legend Alessandro Del Piero bin wear.

 

 

 

Advertisements

Wetin you think?

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s