Usain Bolt: E sure me say Mourinho go sign me for Manchester United

Usain Bolt talk say e sure am say Jose Mourinho go sign am for Manchester United after the Olympics.

Usain Bolt talk say e sure am say Mourinho go sign am after Olympics

The Jamaican man wey sabi tear race pass bullet don hail the new United boss and e talk say e dey hungry am to see how Mourinho go do for Old Trafford.

Usain Bolt, wey don carry Olympic gold medal six times, yarn say e sweet am say Red Devils don employ better person (Mourinho) unlike the two people (David Moyes and Louis van Gaal) wey dem employ after Sir Alex Ferguson wakka commot, wey no sabi anything. Bolt also talk say e sure am say this season go make sense for United.

Mourinho: E no go shock me if United no sign Pogba, but sign person wey better pass am

But e dey dey hope say Baba Special go call am for phone.

“E never call me yet sha, but i sabi say e go soon pick hin phone to call me,” Usain Bolt dey yarn. “I dey reason say e dey wait make i first do Olympics. If una go ask me ehn, i dey reason say e good as dem pick Mourinho. Baba Special na winner, e dey work hard to carry titles and na wetin Manchester United need now now.”

Manchester United manager Jose Mourinho no gree sign Chelsea Jersey in China

“E (Jose) dey build new team and e dey hungry me to see the big players wey hin go buy, the whole matter dey sweet me.”

One thought on “Usain Bolt: E sure me say Mourinho go sign me for Manchester United

  1. Pingback: Everytin You Gaz Know About Man Utd Transfers: Who don enter? Pogba? Fabinho? | MAN UNITED IN PIDGIN

Wetin you think?

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s