David de Gea: Old things don pass away, na new things for Manchester United 

David de Gea bin follow the squad go China, but e no play against Dortmund

Manchester United goalkeeper David de Gea don yarn ontop some important issues wey dey happen for Old Trafford.

As una sabi say Red Devils don get new manager ‘Jose Mourinho’ and dem don sign some new players like Zlatan Ibrahimovic, Eric Bailly and Henrikh Mkhitaryan, the matter dey sweet De Gea wella.

Last season, De Gea bin wan commot onto say e Real Madrid bin dey purshue am but Louis van Gaal use padlock tie hin leg. After transfer window bin close, De Gea and Van Gaal con settle their beef bur the rumour wey we bin dey hear na say De Gea for wakka commot this summer if say Man United no sack Baba Philo Philo.

Rooney don reveal the position e go play for Manchester United next season

The first person wey De Gea yarn about na Zlatan, then e con yarn about our signings in general.

“Papa Ibro na Top player o, e sabi strike gan. E sabi kill for anything wey consign post and we dey pray make e show hin best for Manchester,” David de yarn. “i dey reason say the players wey we sign make brain. Na we be Manchester United and we wan win everything.”

David de Gea don win best Manchester United player for three seasons straight

David de Gea con yarn ontop Baba Special.

“Mourinho get strong character. Him na winner. Him na one of the best managers wey dey this world and everybody dey feel hin presence.”

United players dey move go Beijing – Dem get tough match against Guardiola’s Man City

David con yarn ontop the AON Tour wey dey happen for China.

“To train for here no easy but we dey enjoy am. The way our fans for China dey love ehn, if person for tell me say na how dem dey do, i for no believe. This tour crazy gan but e dey help us..”

David de Gea bin sit for reserve bench as e watch hin teammates set yansh anyhow as dem collect 4-1 from Dortmund.

 

Advertisements

4 thoughts on “David de Gea: Old things don pass away, na new things for Manchester United 

  1. Pingback: Anthony Martial dey para for Man United, say why dem go give Zlatan Ibrahimovic hin No.9 shirt | MAN UNITED IN PIDGIN

  2. Pingback: Zlatan Ibrahimovic dey move go Carrington – e wan resume training | MAN UNITED IN PIDGIN

  3. Pingback: Henrikh Mkhitaryan: The fact say Shinji Kagawa no blow for Premier League na Warning | MAN UNITED IN PIDGIN

  4. Pingback: Man United defender Eric Bailly give Man City ela to wakka enter Old Trafford | MAN UNITED IN PIDGIN

Wetin you think?

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s