Paul Scholes: £86m for Pogba? Say wetin happen, e no worth am jor.

Paul Pogba dey heavily linked to Manchester United – Scholes talk say the guy no worth the big money wey Red Devils wan spend ontop am.

The rumour wey we dey hear na say e remain small thing wey go make the 23-year-old Juventus man wakka enter Old Trafford for around £100 million. The person wey dey cause wahala for the deal na hin agent Mino Raiola onto say Raiola wan collect big money from the deal (millions).

No be everybody wey support this move sha, as Manchester United Legend Paul Scholes don commot talk say Paul Pogba no worth £86m. E talk say e never see anything wey Pogba dey play, wey go make person spend that kind money ontop am. 

“Pogba na pikin wey get talent, e sabi play ball. I don tap football with am before so i know say e sabi play ball. E bin play for the first team once or twice, but wetin i bin hear then na say e bin dey ask for too much money,” Na wetin Paul Scholes yarn for Sport Witness. “For hin age, e bin dey ask for money wey pass hin size – for person wey never too play first team-football.”

“Okay, e don achieve great things now. i dey reason say e don improve a lot sha but e still gots up hin game onto say e never reach £86 million yet. The kind people wey you suppose dey spend that kind money on, na people wey fit tear net 50 times for one season like Cristiano Ronaldo or Lionel Messi. Pogba no reach their level jor.”

Mourinho: E no go shock me if United no sign Pogba, but sign person wey better pass am

“Right now ehn, e gots improve if e wan show everybody say e worth that amount because the Paul o wey i sabi no reach. reach wetin? who dash am?.”

The Red Devils dey heavily linked with the French international this summer and the guy self go like wakka enter back Old Trafford but Juventus no wan release am.

Lastly, it dey very possible say na another top midfielder (James Rodrigues, etc) wey United go buy as Jose Mourinho talk say Red Devils no go put all their eggs in one basket to avoid shakara.

4 thoughts on “Paul Scholes: £86m for Pogba? Say wetin happen, e no worth am jor.

  1. Pingback: Real Madrid Defender Raphael Varane no gree go Manchester United | MAN UNITED IN PIDGIN

  2. Pingback: Anthony Martial dey para for Man United, say why dem go give Zlatan Ibrahimovic hin No.9 shirt | MAN UNITED IN PIDGIN

  3. Pingback: Jose Mourinho don reveal the koko ahead of Manchester Derby (United v City) | MAN UNITED IN PIDGIN

Wetin you think?

Fill in your details below or click an icon to log in: Logo

You are commenting using your account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s