Anthony Martial dey para for Man United, say why dem go give Zlatan Ibrahimovic hin No.9 shirt


Anthony Martial talk say him be Number 9, e no send Manchester United

Manchester United striker Anthony Martial don dey para for Manchester United ontop say dem give new signing Zlatan Ibrahimovic hin number 9 shirt.

Wetin we dey hear from France na say, United no even tell Martial say dem wan give hin number to Ibrahimovic this summer and e be like say the news no sweet am at all, e vess am gan. 

The 20-year-old don sharply change hin cover photo and profile pishure on Facebook and Twitter after United release the squad numbers wey our players go kack for 2016/17 Campaign. The new pishure wey e put, na number nine jersey hin dey rep.

Paul Scholes: £86m for Pogba? Say wetin happen, e no worth am jor.

United bin release their squad numbers on Thursday and dey con announce the numbers wey their new players Eric Bailly (3), Henrikh Mkhitaryan (22) and Zlatan Ibrahimovic (9) go rock for the new season. The only problem wey dey na say dem give Anthony Martial number to Zlatan, and dey con collect Adnan Januzaj jersey give Martial (11).. E be like say Martial no like the No.11 jersey at all as e don even unfollow the official Manchester United handle on Twitter and Instagram.

But make we talk truth Anthony Martial dey behave like small pikin sometimes, na why hin wife leave am… E know say hin no dey ready for marriage but e go do wedding, now e don turn single bachelor (Father, because e get pikin) again.

David de Gea: Old things don pass away, na new things for Manchester United 

Manchester United fans dey pray make Red Devils resolve the matter sha as dem no go like make Anthony Martial leave o. Na serious assest to United, fashi say hin brain no boot for Euro 2016, na him carry Red Devils last season. The way hin take ball last season ehn. I just dey wonder why dem no even give Memphis Depay No.7 jersey to Zlatan self. Who Memphis don epp??


5 thoughts on “Anthony Martial dey para for Man United, say why dem go give Zlatan Ibrahimovic hin No.9 shirt

  1. Pingback: Jose Mourinho don reveal the koko ahead of Manchester Derby (United v City) | MAN UNITED IN PIDGIN

  2. Pingback: Everything to Ginger Una For Manchester United vs Manchester City | MAN UNITED IN PIDGIN

  3. Pingback: Man United Captain Wayne Rooney no fit wait to tap football with Zlatan Ibrahimovic | MAN UNITED IN PIDGIN

  4. Pingback: Anthony Martial don follow Manchester United on twitter again – E give Arsenal fans ela | MAN UNITED IN PIDGIN

Wetin you think?

Fill in your details below or click an icon to log in: Logo

You are commenting using your account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s