Real Madrid Defender Raphael Varane no gree go Manchester United

Rafael Varane no gree go Manchester United 

Real Madrid centre-back Raphael Varane don yarn say hin no dey go Manchester United to join hin former manager Jose Mourinho. Last season, e bin hard Varane to see starting shirt, as Zinedine Zidane bin prefer Sergio Ramos and Pepe over am. 

Zidane don already yarn say the 23-year-old sabi play ball, and e talk say Varane fit dey bench Pepe very soon, e fit no be this season sha. With the way Pepe take play ball as Portugal carry cup at Euro 2016, e go hard Varane to bench am. Pepe na one of the best defenders for the tournament.

Paul Scholes: £86m for Pogba? Say wetin happen, e no worth am jor.

If say Varane dey wakka enter Old Trafford, e for see starting shirt under hin former boss Jose Mourinho but e refuse and e talk say e wan warm bench for Real Madrid, and e dey hope say the 33-year-old Pepe go tire so e go fit replace am.

The thing wey funny about the whole matter na say for 2011, na Zidance wey whine Varane to wakka enter Real Madrid to knack ball for Mourinho’s team but now e dey prevent am from joining Mourinho again.

Baba Special gots settle for wetin hin already get, Chris Smalling, Eric Bailly and Daley Blind…. E go sha dey pray make none of them wound because anything wey go make Phil Jones, Marcos Rojo enter defence, na wahala.

Advertisements

One thought on “Real Madrid Defender Raphael Varane no gree go Manchester United

Wetin you think?

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s