Anthony Martial don follow Manchester United again – E give Arsenal fans ela

  • Reports wey we dey hear na say The 20-year-old striker bin dey para for United ontop say dem give Zlatan Ibrahimovic hin No.9 jersey. 
  • Arsenal fans bin dey pray make the rumour dey true, so e go fit wakka enter their club wear No.9 jersey but e give dem ela. 
  • Anthony Martial don follow the Official Man United handle on twitter and instagram. 

Reports talk say Anthony Martial dey vess say United give am Ryan Giggs No.11 jersey.

Last weeks, reports commot from France, say Anthony Martial dey vess for Red Devils ontop say dem carry hin No.9 jersey after e don brand am, give to Zlatan Ibrahimovic.

Zlatan talk say na last week wey e choose the Number nine jersey – as e con choose the number, Martial sharply go change hin twitter photo and cover art to pishure wey hin dey kack No.9 jersey. The rumour con even dey like say na true after e unfollow Man United on twitter.

Anthony Martial Ex-Wife ‘Samantha’ don yab am with style on Instagram – NO.9 ko, No.9 ni

Now Anthony Martial don follow the official Manchester United again ontop Twitter and Instagram to put an end to the rumour wey dem bad belle people dey spread..

Anthony Martial don follow Man United again

When the whole drama bin surface, Many Arsenal fans dey happy, dey pray make the 20-year-old foward wakka enter their club, even the ones wey yab Martial during the Euro 2016. As Martial con follow United today again on twitter, dey con dey do face like winsh onto say, dem know say dey gots settle for Giroud, Welbeck and Double Sim.

Anthony Martial dey para for Man United, say why dem go give Zlatan Ibrahimovic hin No.9 shirt

On Sunday, one United fan talk say hin paddy jam Martial for Greece and say Martial tell am say e dey happy say hin new number na number 11, say no beef dey.

This na wetin the tweet yarn: “My paddy jam Martial for Santorini, Greece. E talk say e dey happy with Number 11, say make people no chook ear for wetin social media dey talk.”

Anthony Martial don blow for United – hin jersey number bubble for 2015/16

E be like say the matter dey resolved now.

Advertisements

One thought on “Anthony Martial don follow Manchester United again – E give Arsenal fans ela

Wetin you think?

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s