- Reports wey we dey hear na say The 20-year-old striker bin dey para for United ontop say dem give Zlatan Ibrahimovic hin No.9 jersey.
- Arsenal fans bin dey pray make the rumour dey true, so e go fit wakka enter their club wear No.9 jersey but e give dem ela.
- Anthony Martial don follow the Official Man United handle on twitter and instagram.
Last weeks, reports commot from France, say Anthony Martial dey vess for Red Devils ontop say dem carry hin No.9 jersey after e don brand am, give to Zlatan Ibrahimovic.
Zlatan talk say na last week wey e choose the Number nine jersey – as e con choose the number, Martial sharply go change hin twitter photo and cover art to pishure wey hin dey kack No.9 jersey. The rumour con even dey like say na true after e unfollow Man United on twitter.
Now Anthony Martial don follow the official Manchester United again ontop Twitter and Instagram to put an end to the rumour wey dem bad belle people dey spread..
When the whole drama bin surface, Many Arsenal fans dey happy, dey pray make the 20-year-old foward wakka enter their club, even the ones wey yab Martial during the Euro 2016. As Martial con follow United today again on twitter, dey con dey do face like winsh onto say, dem know say dey gots settle for Giroud, Welbeck and Double Sim.
On Sunday, one United fan talk say hin paddy jam Martial for Greece and say Martial tell am say e dey happy say hin new number na number 11, say no beef dey.
This na wetin the tweet yarn: “My paddy jam Martial for Santorini, Greece. E talk say e dey happy with Number 11, say make people no chook ear for wetin social media dey talk.”
E be like say the matter dey resolved now.