Reports wey we dey hear from Media Set, na say Manchester United don almost finish the signing of Juventus midfielder Paul Pogba.
Dem talk say Red Devils bin table €120 million for Paul O, and Juventus accept am. Them also talk say United go announce the deal on Wednesday.
Another report wey we dey hear from GDS, na say The greedy agent ‘Mino Raiola’ wey dey manage Pogba don conclude on money matter with Red Devils. Them talk say na Five-year-deal and say the money wey Pogba go collect na €12 million but jara go dey self.
Mino Raiola, The person wey dey manage Paul Pogba, don wakka go join am for Miami.
The France midfielder dey chillax for USA with hin paddies, Romelu Lukaku self dey there. Now hin agent don join dem and na so dem dey flex. Fashi say Paul Pogba play rubbish for Euro 2016, the rumours wey dey fly around say him dey wakka enter Manchester United for big money, dey hot.
The pishure wey land ontop internet na the one wey the 23-year-old dey swim for pool with hin agent ‘Mino Raiola’.
Manager Max Allegri don already confirm say Juventus and Manchester United dey yarn money matter ontop the transfer.
Pogba no dey present for Juventus Tour for Australia and Allegri no sabi whether e go still be Juve player when new season start.
“Pogba na Juve player now sha but we no sabi wetin go happen. The club don dey yarn money matter with United.”