Sunderland new manager David Moyes wan snatch Adnan Januzaj from Man United

Adnan Januzaj dey struggle to enter first team for Manchester United

Sunderland new manager David Moyes go like make Manchester United winger Adnan Januzaj wakka enter hin club, na wetin Daily Mail report.

The Red Devils attacker Januzaj bin blow for United when David Moyes take over from Sir Alex Ferguson but as Moyes no fit perform, qualify for Champions League, United kick am inside dustbin.

Latest on Paul Pogba: Manchester United go announce am on Wednesday

As Louis van Gaal con enter to replace am as manager, Januzaj no fit perform again. Last season wey Baba Philo Philo even get mind for am after e score winning goal against Aston Villa for Villa Park, the guy run go Borussia Dortmund for loan. E con flop for Germany sote Dortmund cut hin loan short. As e wakka enter back Old Trafford, e hard am to break into the senior team. Na so so bench or Reserves.

David Moyes wan snatch Januzaj from United

Now wey Jose Mourinho don become Manchester United manager, e go hard Januzaj to enter the starting lineup as plenty players wey better pass am dey. So David Moyes dey reason say e fit snatch am to chook am for first team for Sunderland.

One thought on “Sunderland new manager David Moyes wan snatch Adnan Januzaj from Man United

  1. Pingback: Manchester Derby no go hold – Them don cancel am, God save Man City | MAN UNITED IN PIDGIN

Wetin you think?

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s