Zlatan Ibrahimovic dey move go Carrington – e wan resume training

Zlatan dey move go Carrington for training

The striker wakka enter Manchester United this summer and e go reunite with hin former manager Jose Mourinho for Carrington this week.
Zlatan Ibrahimovic don land for the city of Manchester, and dem paparazzi people snap am as e dey move go Carrington to resume training with the rest of the first team squad.

The 34-year-old starman bin dey wakka commot from The Lowry Hotel, as e dey enter ride wey wan carry am go Carrington so e go resume work fully. Holiday time don finish, operation carry Premier League title don start.

Man United Captain Wayne Rooney no fit wait to tap football with Zlatan Ibrahimovic

The Swede superstar fit play hin first match for Manchester United against Galatasaray on Saturday.

Manchester United Capo Wayne Rooney don already yarn say e dey hungry am to tap ball with Zlatan, say Zlatan na one of the best strikers wey dey for this world.

E dey hungry Wayne Rooney to train with am and e sure am say deir partnership go gel gan.

Wayne Rooney no fit wait to resume training with Zlatan

“E dey hungry me to train with am,” na wetin Rooney yarn.

“Zlatan na one of the best strikers wey dey this world for the last 10 years and e don carry trophies for everywhere e enter.”

David de Gea: Old things don pass away, na new things for Manchester United 

“E get strong character and e dey hungry me to train with am and i dey hope say we go fit join body succeed when season start.”

Advertisements

One thought on “Zlatan Ibrahimovic dey move go Carrington – e wan resume training

  1. Pingback: Bryan Robson: E sure me say Ibrahimovic go shine like Van Persie for Man United | MAN UNITED IN PIDGIN

Wetin you think?

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s