Everything una gots know about the Man United transfers: Who dey come? who dey commot?

Paul Pogba dey strongly linked to wakka enter back Old Trafford this summer 

As una sabi say weekend don knack, we wan sharply tell una about everything una gots know about Manchester United transfers. 

Where be Mkhitaryan Best Position?

As una don know by now, the new people wey Jose Mourinho sign na Eric Bailly, Zlatan Ibrahimovic and Henrikh Mkhitaryan… But e be like say na one person remain wey Jose Mourinho go buy as e talk say e dey sign four people during hin transfer. 

The rumour wey strong pass na the one wey talk say hin wan sign former United boy ‘Paul Pogba’ but the matter get as e be ontop say Real Madrid dey follow Man United drag am.

Paul Pogba don touch down for Miami –United target dey flex for America with Romelu Lukaku

Another player wey Manchester United fit sign if Pogba deal no work na Blaise Matuidi, him na another French Player wey sabi ball. Na box-to-box player but some fans dey vess, say him no be wetin we dey find.

We wan also yarn una about the players wey fit wakka commot from Manchester United as new people don dey enter

Paul Pogba don commot Euro 2016 from hin mind, E attend ESPY Award for Los Angeles (LA)

The first player wey fit wakka commot na Marcos Rojo. The people wey dey lead the race for hin matter na Villarreal.

Marcos Rojo dey strong linked to Villarreal 

The second person wey fit commot na Juan Mata, as una sabi say him and Jose Mourinho bin get problem when hin dey Chelsea. Everton bin dey strongly linked with Mata before but the talku talku don die down small.

Eight Questions wey Jesse Lingard don answer ontop Manchester United Tour 2016

The third player wey bin dey linked to another club na Morgan Schneiderlin. Hin former Southampton manager ‘Ronald Koeman’ wey don wakka enter Everton, wan reunite with am, make we see as everything dey go sha.

Barcelona dey chook eye for Memphis Depay matter 

The fourth player wey bin dey linked to another club na Memphis Depay, we hear say Barcelona wan buy am [burst laugh]… E wan wash cloth for there? who e wan bench? This rumour no be confam rumour at all.

Zlatan Ibrahimovic no fit waka go China with the team

The fifth player na Daley Blind. At one poiint, e bin dey linked to Arsenal but we hear say Mourinho wan give am chance to prove himself.

Arsenal bin dey chook eye for Daley Blind matter

The last player wey bin dey linked to other clubs na Maroune Fellaini, we hear say Italian clubs dey purshue am, but one rumour wey we hear this week na say Mourinho wan give am chance.

Right now, anything wey wan happen, make e happen, our own na say make Mourinho carry one title next season and make e finish for Top 3 for Premier League table.

 

Advertisements

8 thoughts on “Everything una gots know about the Man United transfers: Who dey come? who dey commot?

  1. Pingback: 5 Areas Man United gots improve if them wan win Major titles this season | MAN UNITED IN PIDGIN

  2. Pingback: Paul Pogba Transfer Amebo: Man United wan pay Juventus €100m | MAN UNITED IN PIDGIN

  3. Pingback: Man United Pikins wey fit impress Jose Mourinho on MU Tour | MAN UNITED IN PIDGIN

  4. Pingback: Henrikh Mkhitaryan: I go epp Manchester United to carry titles | MAN UNITED IN PIDGIN

  5. Pingback: Monaco don ginger Manchester United to come sign Fabinho for £25m | MAN UNITED IN PIDGIN

  6. Pingback: Anthony Martial and Ibrahimovic dey start training on Thursday – Holiday don end | MAN UNITED IN PIDGIN

  7. Pingback: Sunderland new manager David Moyes fit chook eye for Fellaini again | MAN UNITED IN PIDGIN

Wetin you think?

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s