Liverpool new boy Sadio Mane talk say e bin say no to Manchester United, before e wakka enter Liverpool.
Mane, wey wakka enter Anfield for £30million from Southampton in June, bin sign contract wey long gan with Jurgen Klopp.
Manchester United bin dey chook eye for the Senegalese man in January. Reporters con ask am if Jose Mourinho bin wan sign am before e wakka enter Liverpool and this na wetin e yarn.
‘Ehen, na true o,’ na wetin Man yarn for Liverpool Echo.
‘A lot of clubs bin dey chook eye for my matter, no be just Manchester United, but as Liverpool wakka come knock on my door, something just dey beat me for chest, say na the right club for me,’ na wetin Mane yarn.
‘Liverpool na big club, e get big history and dem don win many trophies and as dem talk say dem wan sign me, and i know say Klopp bin dey here. I no fit refuse.’
‘I know say na the right club wey i join. I know say the club big and say e fit blow me, na the right time i show self. Na step wey i gots take.’