Pogba to United na the deal wey many Man U fans don dey wait to hear for 3 weeks now. Just this afternoon Italian journalist @DiMarzio yarn say Pogba yin agent Raiola meet with Juve board this aftanun to close the Pogba to United deal.
Our sources dey word us say the deal go be na 92 million pounds and 8 million pounds inadd ons. Omo! this money plenty buchi buchi ohhh…
Just as we still dey wait, twitter start dey overflow with some adidas video #firstneverfails, for the video Paulo dey yarn say make we no believe all thing way papers dey talk. then the video flash Man U logo and OT for the backgran. Then Paulo con tear shot.
Na link this to watch the video: https://www.youtube.com/watch?v=bizwARijqbE
many pesins dey yarn for twitter say this video na confirmation for this pogba matta. make we wait see sha.
you bliv say this video na confam info say Pogba dey come ManU?
you fit say na ojoro video?
Oya drop ypur comment.