Everything to Ginger Una for Manchester United vs Galatasaray Match

786fc2ca3ff4390487724f30dc7a01c6

Dis na the last match for Tour 2016 wey Aon go present. The match go happen for Gothenburg, Sweden on Saturday by 18:30 BST. Una fit watch the match for MUTV and una still fit catch all the match tori ontop twitter for @manutdinpigdin as e dey hot.

United dey waka go Scandinavia and Oga Boss Jose Mourinho go dey reason dis match as way for him boys to gather better fitness and sharpness as the new season don enter finish and as e happen say the last time wey we suppose knack ball against our neighbor-neighbor Manchester City the match no happen for Chinko town for plenty plenty reasons.

Plenty senior bros for Manchester United squad don enter training back from their holiday jollification. Players like Zlatan Ibrahimovic, Anthony Martial, Morgan Schneiderlin, Marouane Fellaini, Matteo Darmian and Bastian Schweinsteiger don show.

The Main Koko of Manchester United vs Galatasaray Match

Dis match go be better way for plenty Manchester United players to gather energy and sharp sharp abi-ni-bi for their body especially those ones wey never too play match for dis tour. Person like Marcus Rashidi wey no knack play ball for our first pe-season match against Wigan but be play 45mins against Borussia Dortmund and he play better ball for that match go dey reason to play pass the 45mins on Saturday so him go fit show him shabbiness for striker (no 9) position.

Also bros Michael Carrick who sef don play only 45mins for this pre-season must to show from start for this match as he dey ready for him 11th season for Old Trafford. Bros bin play better against Wigan and we be miss him no dey fear face play and pass for that match wey Dortmund be knack us 4-1. Na only Luke Shaw be show him shabbiness for that match even say him just dey commot for 10 months injury. He just dey run and him no fear at all at all even though say the weather for China na die. E go make sense sef if him too fit still see another starting shirt for this match join the other two way him don see before for left back as him dey ginger for new season.

Galatasaray no too do well for dis 2015/16 season wey just end. Dem be finish sixth for the Super Lig and dem be commot for Champions League for group stage as dem finish third for their group wey get Atletico Madrid and Benfica. Dem kon jar for Europa League sef for Round of 32 after Italio side Lazio be commot dem. But dem manage win their Turkish Cup final as dem kan Robin van Pepper Fenerbahce 1-0.

Their shine shine bobo na Wesley Sneijder wey amebo people bin dey talk say we wan sign before when Sir Alex Ferguson be dey there but him come join Galatasaray for 2013. Dem still get Lukas Podolski wey be play for Jose Mourinho the time wey he be Oga for Inter Milan.

 Before Before Matches

Manchester United and Galatasaray don check each other out six times before. The first time na one sweet match wey be end for 3-3 draw for Old Trafford for 1993 European Cup second round. The second still end for draw but na 0-0 for Istanbul and Manchester United be jar from the competition ontop away goals rule and another 0-0 draw kon still happen the following year. Manchester United be win the second leg 4-0 for Old Trafford and David Beckham, Simon Davies and Roy Keane join for people wey score those goals before dem kon check each other out each other for the fifth time and Michael Carrick be score the only goal for Old Trafford before Manchester United kon lose 1-0 for Galatasary Telecom Arena later.

Advertisements

One thought on “Everything to Ginger Una for Manchester United vs Galatasaray Match

Wetin you think?

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s