Manchester United don dey ginger wella for their Paul Pogba matter as e remain small thing wey the France midfielder go become Red Devils player.
The Manchester United squad bin train on Thursday and some faces bin dey absent from training.
Some of the people wey no dey among the 23-man squad wey show for training na Chris Smalling, Baba Schwein, Fosu-Mensah, Paddy McNair, Will Keane, Andreas Pereira and Cameron Borthwick-Jackson.
Most of these names na people wey dey face the exit door for United bur Chris Smalling own na say e get small bruise for hin leg and Borthwick-Jackson don wound
That one wey dey worry most United fans na say reports commot from Old Trafford say Jose Mourinho don tell Fosu-Mensah, say e no need hin services.
Fosu-Mensah don start four matches for United and e don commot from bench six times. Na only one bad match e get last season (FA Cup semi-final against Everton) but e don show signs say him fit be one of our best players if better manager control am. E sabi play full-back, e sabi play centre-back.
We go try our best to investigate the matter and we hope say na rumour o, make Baba Special no try am. We go shift hin jaw.